Amabasada e Kosovës në Zvicër ka treguar se nga cila datë kosovarët mund t’i marrin pensionet e këtij shtetit.

Ata kanë treguar se duke filluar nga 1 shtatori, shtetasit e Kosovës mund t’i marrin pensionet e moshës dhe trashëgimisë, si dhe ato të invaliditetit.

Ky është njoftimi i plotë:

ZYRA FEDERALE E ZVICRËS VENDOSI: QË NGA 1 SHTATORI 2019 FILLON ZBATIMI I MARRËVESHJES KOSOVË-ZVICËR PËR SIGURIMET SHOQËRORE

Bernë, 30 korrik 2019 – Në një komunikatë të publikuar dje, Zyra Federale e Zvicrës për Sigurimet Shoqërore (BVS), ka deklaruar se që nga 1 shtatori 2019, fillon pagesa e pensioneve për shtetasit e Kosovës që kanë punuar në Zvicër.

Shetasit e Kosovës, që nga data 1 shtator 2019, mund t`i marrin pensionet e moshës dhe trashëgimisë (AHV) si dhe ato të invaliditetit (IV), pa qenë të obliguar të jetojnë në Zvicër.

Këtë marrëveshje bilaterale Kosovë-Zvicër, para dy muajsh e ka ratifikuar edhe Parlamenti i Konfederatës helvetike. Marrëveshja Kosovë-Zvicër, për nga përmbajtja është e ngjashme me ato të nënshkruara nga Konfederata zvicerane me të gjitha vendet tjera dhe mbështetet në standarde ndërkombëtare.

Në vazhdim është adresa ku mund të kontaktoni me e-mail, ose drejtpërdrejt me telefon, me personin përgjegjës për të dhënë shpjegimet e nevojshme.

Ndërsa më poshtë janë edhe vegëzat në tri gjuhë të komunikatës zyrtare për këtë vendim të publikuar nga Zyra Federale e Zvicrës për Sigurimet Shoqërore (BVS).

ADRESA DHE TELEFONI PËR PYETJE:
Doris Malär
Affaires internationales / secteur Conventions
Office fédéral des assurances sociales OFAS
[email protected]
tél. +41 58 462 85 00.